--------------------------------------------------------------------------------
حزن المدينه .. والصبر .. وهم القهر
زاد بي شوقي لساكن هالمدينه ..
ادري قلبه كم حزين .. كم اليم
كم ضامي للمطر .. ادري انه منتظر
هو يدري ان قلبي محتويه
يدري ان العشق انكتب لي في القدر
وش جبرني اعشقه ..
غير حزن مندفن في ضحكته .. حزن وقهر
رغم ان الطيب في قلبه جذر
ورغم ان الحب في روحه طهر
بس حزنه .. محتويه
حامله .. بين هدبه والنظر
بس اعشقه .. ودمعي دليل
شي بقلبه بينت به هالحروف
خوف من باقي العمر
باعطيه من عمري عمر .. بس لايخاف
باعطيه من قلبي فرح واكثر صبر
باعطيه من روحي الامل .. بس ينسى الجراح
راح اللي راح .. بابني من الفرحه قصر
واكتب باسمه هالقصر ..
وارسم على دربه طريق .. كله زهر
باسقيه من دمعي نهر ..
وانثر عبيري له عطر
يفداه قلبي والعمر ..
بس ابي منه وعد ..
ينسى الجراح ,, وكل اللي راح
السبت أغسطس 25, 2007 7:39 am